நானும் ......

இந்த உலகம் ஆண்களுக்கானது தான். என்ன தான் பெண்கள் தங்களுக்கான பிரச்சனைகள் , அசௌகரியங்கள் , கஷ்டங்கள், வலிகளை முன் வைத்து நீதி, நியாயம் கோரி போராடினாலும் அவை எல்லாம் வீண் வாதமும், சக்தி விரயமும் தான். எதாவது எழுதினால் பேசினால் பெண்ணியம் என்று முத்திரையை குத்தி விடுகிறார்கள்.


இந்த பதிவை ஆண்கள் தங்களுக்கு எதிரான பதிவாக கருத கூடாது. ஒரு பெண்ணுக்கு இழைக்க படும்  பாலியல் ரீதியான துன்புறுத்தல் என்பது  என் சகோதரிக்கோ, தோழிக்கோ, மனைவிக்கு , அல்லது மகளுக்கு , நடந்தால் என்ன நிலைமை என்று  எண்ணிட வேண்டும். பெண்ணுக்கு உடல் ரீதியில் அசௌகரியம் செய்யப்படுகிறது. 

ஒவ்வொரு ஐந்து பெண்ணுக்கு ஒரு பெண் என்ற கணக்கின் படி பெண்கள் வன்முறைக்கு உற்படுத்த படுகிறார்கள் அல்லது காயப்படுத்த படுகிறார்கள்.  இது எல்லா வயதினை உடையோரையும் பாதிக்கறது. RAINN  தகவலின் படி 12-17-15% , 18-34 -54%, 35-64 -28%,  65 - 3% என்ற வீகிதத்தில் துன்புறுத்த படுகிறார்கள். பல சொல்லப்படாமல் போகிறது, மறைக்க படுகிறது.  இதில் அன்போ பொறாமையோ இல்லை துஷ்பிரயோகம் என்பது அது ஆண்களின்  பலமும், கட்டுப்படுத்துவதுமாகும்.

“Me Too “  மீ டூ ,  நானும் .  என்று ஒரு பெண் பகிரங்கமாக அதை ஒப்புக்கொள்ள துணிகிறாள் என்றால் அவள் எப்படி பட்ட சூழ்நிலையில், எப்பேர்ப்பட்ட மனயுளைச்சலுடன், வலியோடு சொல்ல வருகிறாள் என்றால் எத்தனை தூரம் பாதிக்க பட்டிருக்க வேண்டும் என்று சிந்திக்க வேண்டும்.

ஒரு பெண்ணுக்கு அநீதி இழைக்கப்படும் போது , அதற்கான நீதியை தட்டி  கேட்க வேண்டியது சமூகத்தின் கடமை, அதில் முக்கிய அங்கம் வகிக்க வேண்டியவர்கள் ஆண்கள் , அந்த பெண்களுக்கு உறுதுணையாக இருக்க வேண்டும். மாறாக நடப்பது என்ன?  ஒரு பெண் தான் பாலியியல் துன்புறுத்தலுக்கு உள்ளானால் , அந்த பாதிப்பை யாரும், யாருக்கும் எளிதில் சொல்லி விடுவதில்லை. அவற்றை எல்லா பெண்களும் மறைத்து விட்டு கடந்து போகவே எத்தனிக்கிறார்கள். அதையும் மீறி ஒரு பெண் துணிந்து அதை பகிரங்கமாக சொல்லி , அந்த அத்துமீறலை செய்தவருக்கு தண்டனை வாங்கி கொடுக்க வேண்டும், அல்லது சமூகத்துக்கு அந்த நபரை கொண்டு வந்து முகத்திரையை கிழிக்க வேண்டும் முற்படும் போது பாதிக்க படுவது யார் ஆண்களா , நிச்சயமாக இல்லை. 

ஒரு பெண்ணின் , சுயமரியாதை, அவள் தொழில், நற்பெயர், அவள் எதிர்காலம், என்ற அவள் மொத்த எதிர்காலமும் கேள்வி குறியாக , தன் வாழ்க்கையே பணயம் வைக்கின்றாள். எல்லாவற்றையும் சிந்திக்காமல் ஒரு பெண் தனக்கு ஏற்பட்ட வன்புணர்வு, துஷ்பிரயோகம் பற்றி வெளியிடும் போது அதற்கான பின் விளைவுகள், அவளை பற்றி அவதூறான , அபாண்டமான பேச்சுக்கள் பேசப்படுகிறது.அதை பல பெண்களும் செய்கிறார்கள் என்பது வருந்த வேண்டிய விடயம்.

ஊர் உலகறிய பெண் தனக்கு ஒரு ஆணால் ஏற்பட்ட துன்புறுத்தலை  சொல்வதால் அந்த பெண் மொத்தமாக ,மறைமுகமாக ஒதுக்கி வைக்க படுகின்றாள் .ஆண்கள் பயப்படுகிறார்கள். அந்த பெண்ணுடன் பழைய மாதிரி பழகுவதற்கு, எங்கே தங்களை அந்த பெண் வீண் வம்பில, சிக்கலில்  மாட்டி விட கூடும் என்பதில் கவனமாக இருக்கிறார்கள். அப்படி ஆண்கள் எண்ணுவதாக இருந்தால் “ஆண்களுக்கே தங்கள் மீது நம்பிக்கை இல்லை” என்று தானே எடுத்துக்கொள்ள வேண்டும். ஆண்களால் சலனமோ சபலமோ இல்லாமல் ஒரு பெண்ணிடம் நல்ல முறையில் நட்புறவுடன் உறவாட ஏன் தயங்க வேண்டும்.

அதிகமாக இதில் சிக்கி கொள்வது என்னவோ பெரிய புள்ளிகள் காரணம் அவர்கள் பணத்தால் நினைத்த பெண்ணை அடைய முடிகிறது. அவர்கள் குற்றவாளி எனும் தெரியும் பட்சத்தில் கூட அவர்கள் சமூகத்தில் உயர்ந்த இடத்தில இருப்பதால் யாரும் அவரின் பகைமையை சம்பாதிக்க விரும்புவது இல்லை. அவரை பற்றி தெரிய வந்தால் கூட, அவர்கள் எப்போதும் போலவே நடமாடவே செய்கிறார்கள். பாதிக்க பட்ட பெண்ணே குற்றவாளி போல ஒதுங்கி, தனித்து விட படுகிறாள் என்பதே உண்மை.

இது ஆண்கள் உலகம் தான். பாவம் பெண்கள் போராடுகிறார்கள். குறிப்பாக  இந்தியா போன்ற இடங்களில் பெண்கள் மொத்தமாக ஓரங்கட்ட படுகிறார்கள். மேலை நாடுகள் ஒன்றும் குறைந்த சளைத்தவர்கள் அல்ல. “ ஒத்து வா , இல்லை ஓரங்கட்ட படுவாய் “பாணி, “படுக்கையை பகிர் “ என்பதே உண்மை போல எண்ண தோன்றுகிறது. மேலைநாடுகளில் என்ன முறைப்பாடு செய்யப்பட்டால் ,  குற்றம் சாட்ட பட்டவர், அவரின்  முறைப்பாடு  நிரூபிக்க பட்டால் யாராக இருந்தாலும் , விசாரிக்க படுகிறார்கள். அவருக்கான தண்டனைகள் நிச்சயம் உண்டு.  ஒரு பெண்ணின் தேகத்தை குறி வைத்தே எல்லாம் நகர்த்த படுகிறது என்பது மறுக்க முடியாது உண்மை.

ஒரு பெண் தனக்கு நேர்ந்த கொடுமையை , அவமானத்தை துன்புறுத்தலை பகிரங்க படுத்த முதலில் அவள் குடும்பமே அவளுக்கு ஆதரவு அளிப்பது இல்லை என்பது வேதனை தரும் விடயம்.  அதன் பின் விளைவுகளின் பாரதூரம் , அப்படி அதையும் தாண்டி துணிந்து ஒருத்தி முறைப்பாட்டை முன் வைத்தால், அவளை ஏன்டா சொன்னோம் என்று அதீத மனயுளைச்சல் அடைய வைத்து விடுகிறார்கள் என்பது மறுக்க முடியாது உண்மை.

எந்த ஒரு கணவனும் தன் மனைவியும் தனக்கு ஏற்பட்ட அவமானத்தை சொல்ல துணியும் போது ஆதரவு கொடுக்க போவதே இல்லை, எங்கேயாவது ஓரிருவர் முற்போக்குவாதிகளாக இருக்கலாம் . ஆதரிக்கலாம்.

பெண் என்பவள் தெய்வம் கிடையாது. இரத்தமும் சதையுமுள்ள  உணர்வுகள் உள்ள உயிர், அவளையும் உங்களை போலவே எண்ணினால் போதும், இந்த ஆண்களுக்கு மட்டுமல்ல பெண்களும் வாழும் உலகம்.



கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

படம்
அவள் பெயர் கண்ணு , அவளை நான் சந்தித்தது கொழும்பில், வெள்ளவத்தையில் தான். யாழ்ப்பாணத்தில் இருந்து கொழும்பு வருவோருக்கு எல்லாம் குட்டி யாழ்ப்பாணம் வெள்ளவத்தை தான் காரணம் மொழிப் பிரச்சனை இல்லாமல் ஓரளவு சமாளிக்க கூடிய இடம் என்றால் இந்த பகுதி என்றால் மிகையாகாது.  ஏனைய இடங்களில் சிங்களம் அல்லது ஆங்கிலம் தெரிந்திருக்க வேண்டியது அவசியம். எனக்கு எந்த மொழி தடங்கல் இல்லாத போதும் ஒரு தற்காலிக பாதுகாப்புணர்வு தந்தது இந்த வெள்ளவத்தை. நான் குடியிருந்த வீட்டு உரிமையாளர் ஒரு தமிழர். மிகவும் உதவி மனப்பான்மை மிக்கவர்.  அவருக்கு வயது வந்த பெண் குழந்தைகள் இருப்பதால் எந்த ஆண்களுக்கும் வாடகைக்கு கொடுப்பதில்லை என்பது கூடுதல் பாதுகாப்பு அளிக்கும் என அங்கு உள்ளவர் மத்தியில் ஒரு நம்பிக்கை. அங்கே தான் கண்ணு ஒரு முப்பத்தி ஐந்து வயது மதிக்கத்தக்க, அவள் பத்து வயது மகன் கண்ணன். பெயருக்கேற்ற கண்ணன் குழப்படி செய்வதில். கண்ணு அப்படி ஒன்றும் அழகி கிடையாது.எப்போதும் முகத்தில் ஒரு கடுகடுப்பு, அழகு என்று சொல்ல தன்னை அலங்கரித்து கொண்டதில்லை.சிக்கல் நிறைந்த கூந்தலை அள்ளி முடித்தபடி, எப்போதும் கண்ணன் உடன் மல்லுக்கட்டி...
மேலும் படிக்கவும்
படம்
நான் யாழில் பிறந்திருந்தாலும் , வளர்ந்தது என்னவோ கொழும்பில் தான்.அதனால் எல்லா பள்ளி விடுமுறைகளுக்கு தவறாமல் ஊருக்கு அதாவது யாழ்ப்பாணத்துக்கு போய் விடுவோம். அதுவும் ரயிலில் தான் போவோம் யாழ்தேவி , உத்தரதேவி போன்ற ரயில்களில். அப்போது அறியாத பருவம், எம்மை தாண்டி ஓடும் மரங்களை எண்ணிக்கொண்டு இருப்பேன். பனை மரங்கள் வரத் தொடங்கியது யாழ்ப்பாணத்தை நெருங்கி விட்டோம் என்று நினைத்து அம்மா அப்பாவிடம் ஊருக்கு கிட்டே வந்து விட்டோம் தானே என்று கேட்டேன்.அப்பா அடுத்தது எந்த எந்த ரயில் நிலையங்கள் என்று சொன்னதும் எண்ணிக் கொண்டு இருப்பேன் யாழ்ப்பாணம் வரும் வரை . பனை மரங்கள் என்றால் யாழ்ப்பாணம் என்று தான் மனதில் பதிந்து இருந்தது. ஆனால் வளர்ந்து குறிப்பாக, அந்த பெரிய கலவரத்தின் பின் பல தடவை யாழ்-கொழும்பு போய் வந்து இருக்கிறேன். முன்னர் போன மனநிலைக்கும் பின்னர் போன மனநிலைக்கும் பாரிய வித்தியாசம். ஆனால் மனதில் வேறு மாதிரியான ஒரு பயத்துடன் தான். குறிப்பாக அனுராதபுரம் புகையிரத நிலையம் என்றால் எனக்கு அப்படி ஒரு பயம் என்னுள்ளேயே. அதை நான் வெளி காட்டிக் கொண்டது இல்லை .அந்த ரயில் நிலையத்தில் தான் ஒரு கலவரத்தின் போத...
மேலும் படிக்கவும்
படம்
ஒரு உலகம் எவ்வளவு தான் மறுமலர்ச்சி அடைந்து இருந்தாலும், முன்னேறி இருந்தாலும் இன்னும் ஆண்கள் மத்தியில் பெண்களுக்கான அங்கீகரிப்பு என்பது பரிபூரணமாக இல்லை என்பதே உண்மை. அது வார்த்தைகள் மூலமும் மேடைகளிலும் வேண்டுமானால் மறுதலிக்கலாம். ஆனால் உணர்வு ரீதியாக சொன்னால் அது உண்மையில்லை. அடுத்து பெண்களின் கலை சார்ந்த பங்களிப்பு பெரிதாக கண்டு கொள்ள படுவது இல்லை, இதில் எவ்வளவு திறமை இருந்தாலும் பெண்களுக்கு பின்னடைவு செய்வதற்கான வழிமுறைகள் உள்ளன. மீடியா, சினிமா துறையை பொருத்தவரை Couch casting , அவர்களோடு ஒத்துழைக்க வேண்டும், அவற்றை தாண்டி வெற்றி அடைந்தவர்களும் உண்டு. இப்படி எந்த துறை எடுத்து கொண்டாலும் பெண்கள் என்றால் நேரடியாகவோ மறைமுகமாகவோ நெருக்கடிகள் உண்டு. இன்று சோசியல் மீடியாவை எடுத்து கொண்டால் முகநூல், இன்ஸ்ட்ரா இங்கேயும் உள்பெட்டியில் முகம் தெரியாத நபர்களால் இடைஞ்சல் செய்யும் கூட்டம் , இவற்றை எல்லாம் கடந்து போக கற்றுக் கொண்டாலும், எம் கூடவே இருந்து நையாண்டி செய்யும் ஆண்கள் சிலர் இருக்கவே செய்கிறார்கள். அவர்களை நாம் கண்டு கொள்ள இல்லை என்றால் கூட , உலகின் எந்த மூலைக்கு போனாலும் மனதளவில் பின்தங்க...
மேலும் படிக்கவும்