கோப்பி டே

 எல்லோருக்கும் எப்படி எல்லாமோ விடியும் எனக்கு என்னவோ காலையில் மணக்க மணக்க கோப்பி போட்டு குடித்தால் தான் அன்றைய பொழுதுக்கே மகிமை.  அது என்னவோ தெரியாது அம்மாவிடம் நான் பழகிகொண்ட விடயங்களில் முதன்மையானது இந்த கோப்பி , அம்மாவின் மரண படுக்கையில் அதிகாலையில் கோப்பி போட்டு பருக்கிய போது , நீ போய் உன் கோப்பியை கொண்டு வந்து சுட சுட குடி என்றது என் மனதை விட்டு அகலவே இல்லை. 


இன்று கோப்பி பிரியர்களின் தேசிய நாளாம் அது எப்போதாவது குடிப்பர்களுக்கு எங்களுக்கு எப்பவும் , எப்போதும், எங்கேயும் கோப்பிக்குரிய நாள் தான். நான் வேலைக்கு எப்போதும் கோப்பி பிளாஸக்கில் எடுத்து செல்வேன் . வேலை இடத்தில் எல்லா வசதிகளும் கோப்பி தேனீருக்கு இருந்தாலும் என் கோப்பி எனக்கு ரொம்பவே பிடிக்கும். 


அது என்னவோ என் கோப்பியின் வாசனை கமகம என்று , எனக்கு மணப்பதை விட மற்றவர்களுக்கு ஜாஸ்தியாகவே மணக்கிறது போல. என் பிரேக்கில் வருவோர் போவோர் எல்லாம் என்ன உன் கோப்பி இப்படி வாசனை தூக்கியடிக்கிறது என்று கேட்காதவர்களே, இல்லை பாமா கோப்பி ஸ்பெஷல் . 


கியூபாவை சேர்ந்த ஓரு கறுப்பு இனத்தை சேர்ந்தவர் வாழ்க்கையில் கோப்பி குடித்து பழக்கம் இல்லாதவர் என் கோப்பி வாசனையில் மயங்கி தானும் கோப்பி குடிக்க கொண்டார் என்றால் பாருங்கள் , ஆனாலும் சொல்வார் அது என்னவோ பாமா நீ போடும் கோப்பியின் வாசனை என் கோப்பியில் வருவதில்லை என்று . எல்லாம் என கைவண்ணம் என்று பீத்திக்கொண்டாலும் முற்றது மல்லிகைக்கு வாசமில்லை என்பது உண்மை போல.  ஹேப்பி கோப்பி டே☕️

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

படம்
அவள் பெயர் கண்ணு , அவளை நான் சந்தித்தது கொழும்பில், வெள்ளவத்தையில் தான். யாழ்ப்பாணத்தில் இருந்து கொழும்பு வருவோருக்கு எல்லாம் குட்டி யாழ்ப்பாணம் வெள்ளவத்தை தான் காரணம் மொழிப் பிரச்சனை இல்லாமல் ஓரளவு சமாளிக்க கூடிய இடம் என்றால் இந்த பகுதி என்றால் மிகையாகாது.  ஏனைய இடங்களில் சிங்களம் அல்லது ஆங்கிலம் தெரிந்திருக்க வேண்டியது அவசியம். எனக்கு எந்த மொழி தடங்கல் இல்லாத போதும் ஒரு தற்காலிக பாதுகாப்புணர்வு தந்தது இந்த வெள்ளவத்தை. நான் குடியிருந்த வீட்டு உரிமையாளர் ஒரு தமிழர். மிகவும் உதவி மனப்பான்மை மிக்கவர்.  அவருக்கு வயது வந்த பெண் குழந்தைகள் இருப்பதால் எந்த ஆண்களுக்கும் வாடகைக்கு கொடுப்பதில்லை என்பது கூடுதல் பாதுகாப்பு அளிக்கும் என அங்கு உள்ளவர் மத்தியில் ஒரு நம்பிக்கை. அங்கே தான் கண்ணு ஒரு முப்பத்தி ஐந்து வயது மதிக்கத்தக்க, அவள் பத்து வயது மகன் கண்ணன். பெயருக்கேற்ற கண்ணன் குழப்படி செய்வதில். கண்ணு அப்படி ஒன்றும் அழகி கிடையாது.எப்போதும் முகத்தில் ஒரு கடுகடுப்பு, அழகு என்று சொல்ல தன்னை அலங்கரித்து கொண்டதில்லை.சிக்கல் நிறைந்த கூந்தலை அள்ளி முடித்தபடி, எப்போதும் கண்ணன் உடன் மல்லுக்கட்டி...
மேலும் படிக்கவும்
படம்
நான் யாழில் பிறந்திருந்தாலும் , வளர்ந்தது என்னவோ கொழும்பில் தான்.அதனால் எல்லா பள்ளி விடுமுறைகளுக்கு தவறாமல் ஊருக்கு அதாவது யாழ்ப்பாணத்துக்கு போய் விடுவோம். அதுவும் ரயிலில் தான் போவோம் யாழ்தேவி , உத்தரதேவி போன்ற ரயில்களில். அப்போது அறியாத பருவம், எம்மை தாண்டி ஓடும் மரங்களை எண்ணிக்கொண்டு இருப்பேன். பனை மரங்கள் வரத் தொடங்கியது யாழ்ப்பாணத்தை நெருங்கி விட்டோம் என்று நினைத்து அம்மா அப்பாவிடம் ஊருக்கு கிட்டே வந்து விட்டோம் தானே என்று கேட்டேன்.அப்பா அடுத்தது எந்த எந்த ரயில் நிலையங்கள் என்று சொன்னதும் எண்ணிக் கொண்டு இருப்பேன் யாழ்ப்பாணம் வரும் வரை . பனை மரங்கள் என்றால் யாழ்ப்பாணம் என்று தான் மனதில் பதிந்து இருந்தது. ஆனால் வளர்ந்து குறிப்பாக, அந்த பெரிய கலவரத்தின் பின் பல தடவை யாழ்-கொழும்பு போய் வந்து இருக்கிறேன். முன்னர் போன மனநிலைக்கும் பின்னர் போன மனநிலைக்கும் பாரிய வித்தியாசம். ஆனால் மனதில் வேறு மாதிரியான ஒரு பயத்துடன் தான். குறிப்பாக அனுராதபுரம் புகையிரத நிலையம் என்றால் எனக்கு அப்படி ஒரு பயம் என்னுள்ளேயே. அதை நான் வெளி காட்டிக் கொண்டது இல்லை .அந்த ரயில் நிலையத்தில் தான் ஒரு கலவரத்தின் போத...
மேலும் படிக்கவும்
படம்
ஒரு உலகம் எவ்வளவு தான் மறுமலர்ச்சி அடைந்து இருந்தாலும், முன்னேறி இருந்தாலும் இன்னும் ஆண்கள் மத்தியில் பெண்களுக்கான அங்கீகரிப்பு என்பது பரிபூரணமாக இல்லை என்பதே உண்மை. அது வார்த்தைகள் மூலமும் மேடைகளிலும் வேண்டுமானால் மறுதலிக்கலாம். ஆனால் உணர்வு ரீதியாக சொன்னால் அது உண்மையில்லை. அடுத்து பெண்களின் கலை சார்ந்த பங்களிப்பு பெரிதாக கண்டு கொள்ள படுவது இல்லை, இதில் எவ்வளவு திறமை இருந்தாலும் பெண்களுக்கு பின்னடைவு செய்வதற்கான வழிமுறைகள் உள்ளன. மீடியா, சினிமா துறையை பொருத்தவரை Couch casting , அவர்களோடு ஒத்துழைக்க வேண்டும், அவற்றை தாண்டி வெற்றி அடைந்தவர்களும் உண்டு. இப்படி எந்த துறை எடுத்து கொண்டாலும் பெண்கள் என்றால் நேரடியாகவோ மறைமுகமாகவோ நெருக்கடிகள் உண்டு. இன்று சோசியல் மீடியாவை எடுத்து கொண்டால் முகநூல், இன்ஸ்ட்ரா இங்கேயும் உள்பெட்டியில் முகம் தெரியாத நபர்களால் இடைஞ்சல் செய்யும் கூட்டம் , இவற்றை எல்லாம் கடந்து போக கற்றுக் கொண்டாலும், எம் கூடவே இருந்து நையாண்டி செய்யும் ஆண்கள் சிலர் இருக்கவே செய்கிறார்கள். அவர்களை நாம் கண்டு கொள்ள இல்லை என்றால் கூட , உலகின் எந்த மூலைக்கு போனாலும் மனதளவில் பின்தங்க...
மேலும் படிக்கவும்